من 19 سنة ” سلمان خان ” حصل على درجة البكالوريوس في الهندسة الكهربية وعلوم الحاسب من معهد MITوبعدها أخد الماجستير في نفس…

من 19 سنة ” سلمان خان ” حصل على درجة البكالوريوس في الهندسة الكهربية وعلوم الحاسب من معهد MITوبعدها أخد الماجستير في نفس المجال مع ماجستير في ادارة الأعمال من هارفارد ، وبعدين اشتغل محلل في مجال الاستثمارات المالية ..
لحد دلوقتي مجرد قصة عادية لشاب متوفق في دراسته وناجح في مجال شغلة !!
في أواخر 2004 طلبت منه بنت عمه يساعدها في فهم دروس الرياضة اللي كانت عمللها مشكلة ، وبما انها كانت ساكنة في نيو أورليانز وسلمان في بوسطن شرحلها الدروس بالتليفون مع استخدامه “مفكرة دودل للرسم ” على موقع ياهو ، ومع تحسن مستواها بدأ يشرح لأخواتها وبدأ يزيد عدد الاقاريب والصحاب اللي بيطلبوا منه المساعدة ..
فقررفي 2006 انه يعمل قناة على يوتيوب ويحط عليها فيديوهات شرحه للدروس علشان الكل يستفاد منها ، وبدأت شعبيته تزيد و انهالت عليه اعجابات وتقدير الطلبة والمعلمين بشرحه وطريقته المختلفة في التدريس وتبسيطه للمعلومة اللي زودت من سرعة وقدرة الطلبة على الفهم .
في 2009 أخد سلمان بتشجيع من زوجته “القرار المصيري ” و ساب شغله في مجال التمويل والاقتصاد وأتفرغ لتطوير قناة أكاديمية خان ، بنهاية 2009 سجلت فيديوهات خان متوسط مشاهدة 35000 زيارة يوميا ،وحصل على تمويل لمشروعه ” أكاديمية خان ” من زوجة واحد من اشهر أثرياء أمريكا وهي “آن دور”
وانشأ سلمان موقع وسماه Khan Academy وعملها شبه المدرسة الفعلية بمختلف العلوم المشروحة بأسلوب بسيط في فيديوهات في حدود عشر دقايق .
وفي سبتمبر 2010 تلقت الأكاديمية تبرع من شركة جوجل بمبلغ 2 مليون دولار ، وبيل جتس “مؤسس مايكروسوفت ” لقى ولاده بيدخلوا على موقع الأكاديمية وبيفهموا منها فأعجب بيه هو كمان وتبرعله ه ب 1.5 مليون دولار وظهروا مع بعض في البرامج الحوارية ، ووصفه بيل بأنه صاحب ” أفضل تجربة تعليمية في عصرنا الحديث “
واختارته مجلة التايم من ضمن أكتر 100شخص تأثيرا في العالم ، وكمان تجربته ألهمت الكتير لاطلاق منصات أخرى زي edx وcourser وUdacity
ده فيديو على TEDبيحكي فيه سلمان تجربته وازاي بقى “مدرس بالصدفة ” | مترجم بالعربية :

موقع أكاديمية خان واللي متقسم بطريقة بسيطة جدا باختلاف المراحل الدراسية والمواد بتاعتها سواء كنت طالب مدرسي أو جامعي
/https://www.khanacademy.org/
وده الموقع بالنسخة العربية واللي هتلاقي فيه بعض المواد المشروحة بالعربي :
https://ar.khanacademy.org/
ولو عايز تطبيق على اندرويد وكمان متوفر لأجهزة ابل :
https://play.google.com/store/apps/details…
نستفاد ايه بقى من الحكاية دي ^_^ ؟
ممكن الفكرة بدأت مع سلمان بالصدفة لكن اللي غير حياته ووصلته للي وصله دلوقتي هو القرار الصادم “اللي شجعته فيه مراته ^_^” انه يسيب شغلة “الناجح” علشان يتفرغ للقناة مع ملاحظة انه عاش على مدخراته الشخصية 9شهور لغاية ما حصل على أول تمويل له .
من الاخر كده نحاول نسيبنا شوية من “اه لو لعبت يا زهر^_^ ” و نركز في القرارات اللي بناخدها في حياتنا حتى لو كانت خارجة عن المألوف



Source

25 تعليق

  1. اكاديمة خان موقع ممتاز جدا”

  2. أكاديمية خان هي مؤسسة تربوية غير هادفة للربح تم إنشاؤها في عام 2006، من قبل سلمان خان. هدفها المعلن هو “توفير تعليم عالي الجودة لأي أحد وفي أي مكان”، ويوفر موقعها على الإنترنت أكثر من 3600 محاضرة صغيرة عبر فيديوات مخزنة على موقع يوتيوب لتدريس الرياضيات، والتاريخ، والتمويل، والفيزياء والكيمياء وعلم الأحياء وعلم الفلك والاقتصاد.[1

  3. Mahmoud Amer

  4. Mostafa Bahnasy شوفت موقف مراته ..مش لوحدنا اللى مجانين 😍

  5. ” سلمان خان ”

  6. Nour هذي الصفحة 💯

  7. شريف الليثي

  8. يعجبني شرحه للرياضيات

  9. Ahmed A. Shabana

  10. بنت عمه مكنتش عاوزه تتعلم
    كانت بتفتح مواضيع

  11. Shaimaa Samir el ragel bta3 khan academy el bahdlna fl new 😀

  12. Tarek Nadine Sherif Tarek Sherif Iman M. Badr El-Din

  13. Taher Khalefa حلوة دي شوفها”

  14. توجد دروس حتى باللغة العربية

  15. Omar Alaa Mohamed Adel hindi wa masters wa mba wa computer..seket el20 sana aheh ya regala

  16. Waleed Khalid

  17. Omar Mohamed
    Abdelrahman Mohamed

  18. Muhammed Saeed

  19. الفكرة الجميلة ساعات بتبقى صدفة ويا سلام على اللي يقدر يستغلها وينفذها صح 👍

%d مدونون معجبون بهذه: