مافيش حاجة اسمها حظ فية اللى بيسعى ويجتهد بيلاقى شير وتابعوا صفحة Absolute Financial Advisorsمحمد صلاح وشيكابالا أكتر م…

مافيش حاجة اسمها حظ
فية اللى بيسعى ويجتهد بيلاقى
شير وتابعوا صفحة Absolute Financial Advisors


محمد صلاح وشيكابالا أكتر مثال بيجي في دماغي لما الناس بتتكلم عن الحظ …كل نقطة هاتلاقي شيكابالا عنده أكتر من صلاح
-من أول الموهبه وبعدين البنية الجسدية لحد إن شيكابالا لعب فريق أول زمالك وأخد الدوري مرتين قبل ما يبقي عنده 17 سنه …
-شيكابالا بعد ما رجع من اليونان في أول تجربة إحترافية له وقع للأهلي وبعد كده غير رأيه ووقع للزمالك في الوقت اللي فيه محمد صلاح إترفض من الزمالك قبل ما يحترف في سويسرا بشهر واحد …يعني لاعب بيتخانق عليه الأهلي والزمالك ولاعب بيرفضه الأهلي والزمالك ….
-حتي في الإحتراف محمد صلاح إحترف في بازل السويسري وشيكابالا في سبورتنج لشبونه البرتغالي النادي اللي نشأ فيه رونالدو شخصيا ….
في الوقت اللي كان فيه شيكابالا مقيم في نادي الزمالك كان محمد صلاح بيسافر 4 ساعات رايح و4 ساعات جاي من قريته في الغربية علشان يتدرب في نادي المقاولين في القاهره وكان عنده إصرار عجيب علي النجاح ونجاحه ماوقفش عند إنه يلعب لتشيلسي لكن لما مورينيو رفض يشركه كان بيتدرب بقوة وبيستفيد من وجوده مع مدرب كبير ونادي كبير مش زي معظم محترفين مصر زي ميدو محسام غالي وعمرو ذكي …وبعد ما راح إيطاليا سنتين رجع علي ليفربول (مش الحطابه😀) نادي من أعرق أندية العالم وفي وقت من أحسن أوقات النادي …
النهارده ما يتقاضاه محمد صلاح في الأسبوع أكبر مما يتقاضاه شيكابالا في سنه حرفيا مش مجازا .
كل الأسباب كانت لصالح شيكابالا ولو بمنطق الحظ شيكابلا محظوظ جدا عن محمد صلاح لكن في النهاية محمد صلاح أنجح منه 60 مره بحساب الراتب وألف مره بحساب المتابعين حول العالم …. في النهاية الحظ ملوش معني إنما السعي والإصرار هو اللي له معني …وكل واحد فينا بسعيه وإصراره هو اللي بيصنع حظه 🙂
شكرا صفحة أعمل بيزنس

Source

%d مدونون معجبون بهذه: