حسن عبدالله الراجل اللي في الصورة دا راجل فقير ماديا من غانا.. الراجل دا قابل فريق تصوير قناة TRT التركية و هم بيصوروا…

حسن عبدالله
الراجل اللي في الصورة دا راجل فقير ماديا من غانا.. الراجل دا قابل فريق تصوير قناة TRT التركية و هم بيصوروا في غانا و كان معاهم الطيارة اللي في الصورة دي (drone) و كانت اول مرة في حياته يشوفها.. الراجل بعفوية قالهم.. مافيش حجم أكبر منها شويه ياخدني لمكة؟!.. الكلمة و عفويتها و صدقها طرقت قلوب الناس في تركيا بعد ما أحد افراد طاقم التصوير نشر تويته انتشرت زي النار في الهشيم عن العم حسن عبدالله..
خد عندك بقى رجال اعمال و مشاهير و ناس عاوزين يوصلوا لعم حسن علشان يحققوله امنيته.. وزير الخارجية التركي اعلن تكفل تركيا برحلة حج لعم حسن .. ضابط فى السفارة التركية بغانا تفاعل مع الموقف واتصل بعم حسن ووصله بهيئة الاحسان “مش متأكد من اسم الهيئة” في تركيا و أخدوه لتركيا و وصل النهارده تمهيدا لسفرة لأداء فريضة الحج.

انتهت القصة لكن هنا العبرة
1- ما تقطعش الرجاء في الله أبدا حتى و إن كانت الأسباب ظاهرها غير مبشر.. حتى لو كنت فقير ربنا قادر على كل شيء
2- الصدق مع الله.. الراجل نحسبه كان صادق مع ربنا في رغبته في أداء الفريضة فربنا سبحانه وتعالى سخر ليه الموقف ده و الاسباب دي و المذيع اللي نشر قصته علشان توصل للناس.
3- الدنيا مهما طال بقائك فيها و مهما وصلت فيها فانيه.. فخلي همتك الآخره.

اللهم تقبل من حسن عبدالله و ارزقنا حجا مقبولا مبرورا تغفر به الذنوب و ترفع به الدرجات و تقربنا به إليك.
#منقول من إسلام صبرى



Source

%d مدونون معجبون بهذه: