أكبر خدعة عملها الشيطان في الطالب الجامعي إنه أقنعه ميفكرش خالص في الـ Career بتاعه ومستقبله المهني وسوق العمل غير بعد …

أكبر خدعة عملها الشيطان في الطالب الجامعي 😡
إنه أقنعه ميفكرش خالص في الـ Career بتاعه ومستقبله المهني وسوق العمل غير بعد التخرج، ويقضي حياته الجامعية بين تصوير الملازم والخروجات 😒
وأما يخلص يكتشف إنه وقع في فخ ما بعد التخرج 🎓ويلاقي نفسه محتاج تلات أربع سنين عشان يكون مؤهل إنه يوصل لوظيفة كويسة توفرله مصدر دخل كويس 😮
ف يإما هيقبل بأي شغلانة والسلام عشان ميبقاش عاطل، ي إما هيتحط في دايرة الـ “3 ونص مليون عاطل” وده حسب إحصائية لـUNICEF عن البطالة ✋
.
وعشان كدا #رسالتي لكل طالب جامعي الحق نفسك من دلوقتي ❤️
1- نمي نفسك في الـ #English بأي خطة مذاكرة حاببها، أنت أدرى واحد بطريقة فهمك واستيعابك إزاي. ✍️
.
2- حدد من دلوقتي لو ناوي تكمل في مجال دراستك الجامعية بعد التخرج ولا عايز تكمل في مجال تاني 🤔 وبناءً على قرارك خد #online_courses وطور نفسك في المجال اللي حابه أيًا كان، لإن مع احترامي للجميع 95% من مواد الجامعة مش بتفيدنا في سوق العمل للأسف.
.
3- متضيعش فلوسك على مراكز الكورسات اللي باعتلك كورساتها ب #كدبة إنها معتمدة 👎
الـ self study أوفر وأريح وأحسن بكتير واسال مجرب. 👌
.
4- انزل #إتطوع في أي مكان محترم هتقدر تستفيد وتفيد فيه وتطور الـ Soft skills. 😍
.
5- متستسهلش وتخلي حد يخططلك حياتك ويقولك تعمل إيه، أنت مش جماد هتخلي حد يشيلك ويحطك زي ما هو عايز 🙄 #جرب ودور واتعب لأن محدش هيخاف على مصلحتك أكتر منك واللي هينصحك مرة مش هيكون فاضيلك كل مرة. 😅
* على سبيل المثال 😀 متجيش تسأل إزاي أوصل لمستوى الاحتراف في مجال كذا لإن ممكن الطريقة اللي نفعت غيرك متنفعكش عادي جدًا 😂، في فروق فردية في التعلم بيننا، ارسم أنت خطتك وجدولك الخاص بيك وملكش دعوة بغيرك. 💜
.
6- مش بقولك متذاكرش ف الكلية بس في نفس الوقت اعرف إنها مرحلة في حياتك وهتعدي، ولازم #تستعد لمرحلة ما بعد التخرج 👩‍🎓 من وأنت في الكلية، ومحدش يقولي مببقاش فاضي لإننا بنضيع ع الفيس عشرات الساعات 🤚
.
7- افتكر ديمًا مقولة “لا تجعل الدراسة الجامعية تعطلك عن التعلم” 😉
#عشان_لما_تتخرج_متتفاجئش 🎓



Source

اترك رد

%d مدونون معجبون بهذه: